MAN NITSA BA SUAHKI SAKAN BA BRIAIA

Kasak pali mai wisna, ya kli aisubi takras sa kaka, witin sip Gad king aimaki ba laka kaikbia apia.   (Jan 3:3)

Kan upla sut saura yan bara Gad mawan wina sin laiura takan. (Rom 3:23)

Ban sakuna tasba ra upla wapni kira kumi sin apu sa, diara yamni baman pyu sut ra dauki ba, bara aima kumi sin saura daukras ba. (Smasmalkra 7: 20)

Yawan nani sut, syip baku wan mawahkan, kumi bani ai yabalkara taui wan; sakuna Dawan ba, yawan nani sut wan saurka ba, witin ai purara sunan. (Aiseya 53:6)

Saurka ba mita mana baku wanki ba lika prura. (Rom 6:23)

MAN SELP SIP SUAKUI

Yabal tara ba, upla nakra ra wapni man sa; sakuna baha tnata pali ra prura bara sa.

(Sins Laka 14: 12)

Ya la aiska ba wina, kumi ra sim kulkras kaka, wintin la bila ba sut krikisa.

Bara baha ba lika yawan mita diara pain nani kra daukan kan tawan lika apia.

(Tiatus 3:5)

Jisas bila: Yang sika yabal ba, kasak tanka ba bara rayaka ba sin. Yang bak baman sip sa Aisa ra waia. (Jan 14:6)

DAWAN BA YABAL KUM PLIKAN MANRA

Jisas Kraista mita ai wina tara ra wan saurka nani twilkan, dus prihni pura ra, bara baku yawan sip kabia wan saurka nani mapara pruaia bara kasakka lakara iwi kaia, Witin ai wina ra insauhkan ba mita man nani sut mai rakan sa. (1 Pita 2:24)

Kan Kraist pali, aima kumi baman wan saurka nani dukyara prura patka wauhwan. Witnin lika yamni kan, sakuna yawan saurakira nani na tawan pruan, Gad ra wan brih waia dukyara. (1 Pita 3:18)

Kraist lika saurka kumi sin daukras pali kan, kuna yawan tawan Gad mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gad want ba kat wapni bri kabia dukyara. (2 Korint 5:21)

Bamna Gad tasba ra uya latwan kaikan, bara witin mita ai Luhpia kumi baman bri kan ba yan; bara baku mika ani uplika witin ra kasak lukbia ba, sut pali tanis tiwbia apia, sakuna raya ban kaia laka ba bribia.  

DAWAN HELP MAI MUNBIA TRAIKA KAIKAN PURA LUAYA

Baku bamna, Luhpia mita pri mai sakisa kaka, man nani lika kasak pali pri kama. (Jan 8:36)

Man nani traika kaikanka nani brisma ba lika upla wala nani bri ba wal sin baku sa. Kan Gad lika kasak sa, bara man nani wauhwaia sip sma ba purkara kau traika kaikanka nani maikbia apia. Sakuna,  traika kaikanka bri bangwma bara. Gad mita baha ba wina swak takaia karnika sin maikbia, bara baku sip kama baha ba twilikaia.

Baku bara, ya Kraist wal asla takan sa kaka, witin lika upla raya kumi sa; diara almuk nani ba lui wan sa, bara nanara diara raya baman takan sa. (II Korint 5:17)

Bamna aimplikra ba lika aula, implikara bara iki apu daukaia baman; sakuna yang balri na lika witin nani raya kaia laka bribia ba dukyara , bara baha sin manis pali bribia mata (Jan 10:10). 

Dawan Jisas Kraist ra kasak luks, man bara wamtla uplika nani sut. (Wark Nani 16:31)

Yang mai wisni, apia; man nani sin saurkam nani wina Gad ra kupiam lakras sma kaka, sut tanis tiwma. (Luk 13:3)

Gad kumi baman bara sa, bara Gad witin upla nani wal asla kumi dauki ba sin kumi baman sa; baha sika Jisas Kraist, bara witin ba sin upla sa. (1 Timoti 2:5)

Jisas ba kasak Dawan sa aisisma kaka, bani kupiam ra sin kasak lukisma Gad mita Jisas ba pruan nani tila wina bukan, man ba swaki mai sakan kabia (Rom 10:9)

Dawan ba pliks, man nani witin ba kau pliki sakaia sip sma bara, witin ra wins kau lamamra bara. (Aiseya 55:6)

Bahamna man nani lukankam aiska ba Gad King aimaki ba lakara dia daukaia mai aisi bara luks, bara baha diara nani ba sin sut brima. (Matyu 6:33)

Bamna dia mapara help sa upla kum tasba aiska na saki bribia, sakuna ai solka ba tikbia kaka? (Mark 8:36)

Baku bamna, yawan kumi bani wan tanka ba saki Gad ra param wibia. (Rom 14:12)

Upla bani ba aima kumi baman pruaia sa, bara baha ningkara Gad mita laka daukbia (Hibru Nani 9:27)

Jisas bila; yang aisisna bara aman walisa, ai blikan bara sin kasak lukisa kaka, witin raya ban kaia laka ba brisa, pat ra sin lulkan kabia apia; kuna pruan wina taki pat raya kaiara luan sa. (Jan 5:24)

Sakun man nani Dawan dukia daukan mai daufras kaka, pliki saks naiwa man nani ya dukya daukaia sama ba.

MAN WANTSMAKI SUAHKI SAKAN?

Naku param sunaia:

Nanara yang nusna yang na saura kira sna baku sin Jisas ba upla suara kira nani dukiara pruan. Nanara YANG Jisas Kraist na yang sasakriki baku brisna bara witin helpka wal yang witin ai dukiara aisamna upla nani mawankara. 

DAWAN WANTSA

Add Content...